حالياً على أبواب التخرج من كلية الفنون والتصميم ، مشاعر كتيرة ومتلخبطة ، مبسوطة اني رح اتخرج وانتقل لمرحلة تانية بحياتي ، بنفس الوقت عازز عليّ كل الأيام الحلوة يلي قضيتها بالكلية ..
أصحاب جداد صارو روتين يومي من حياتي ، كم معلومات كبير متخزن بذاكرتي وما زال بزيد مع الممارسة ..
انا متأكدة انكم رح تكونوا سعيدين بانضمامكم لكلية الفنون والتصميم ، بأجواءها المميزة عن اي كلية تانية ، علاقة الدكاترة مع الطلاب مستحيل تنوجد مع دكاترة تانية ...
صح انه ضغط وتعب كتير بس لما تشوفوا نتيجة تعبكم متجسدة قدامكم بتنسوا كل التعب خاصة لما تحتفظوا بأعمالكم وتفاخروا فيها الناس والطلاب .
سنين حلوة كتير بانتظاركم ، داوموا بحب وادرسوا بحب عشان تكون ايامكم جميلة وتنحفر بالذاكرة بكل حلاوتها.